Hong Kong: Serikali na wanafunzi kufnya mazungumzo leo

Mazungumzo yanatarajiwa leo kati ya maafisa wa serikali ya Hong Kong na viongozi wa wanafunzi, katika juhudi za kumaliza maandamano ya kudai demokrasia zaidi ambayo yamekuwa yakiendelea kwa wiki tatu.

Wanaharakati wanataka uhuru kamili katika kuwachagua viongozi wa kisiwa hicho ambacho ni sehemu ya China. 

Hata hivyo China inashikilia kuwa na kauli ya mwisho juu ya wagombea wa uchaguzi huo ambao utafanyika mwaka 2017.

Pande zote katika mzozo huo zimeng'ang'ania misimamo yao, katika mgogoro huo ambao ndio mkubwa zaidi tangu Uingereza ilipoikabidhi Hong Kong kwa China mwaka 1997.