Pistorius alala gerezani

Mwanariadha mlemavu wa Afrika Kusini Oscar Pistorius amelala gerezani usiku wa kuamkia leo, akianza kutumikia kifungo cha miaka mitano alichohukumiwa jana baada ya kupatikana na hatia ya kumuuwa bila kukusudia mpenzi wake Reeva Steenkamp Februari mwaka jana.

Waendeshamashtaka walikuwa wamependekeza kifungo cha miaka 10, lakini mawakili wake walitaka apewe kifungo cha nyumbani na kufanya kazi zenye manufaa kwa umma. Hivi ndivyo jaji aliyeendesha kesi hiyo Thokozile Masipe alivyosema kuhusu hukumu aliyoiona inamfaa Pistorius kwa uhalifu alioutenda.

Akizungumza nje ya mahakama baada ya hukumu hiyo kutolewa, baba mdogo wa Oscar Pistorius alisema familia yao imeikubali adhabu iliyotolewa na mahakama, na kuahidi kuwa mtoto wao ataitumia fursa hiyo kutoa malipo yake kwa jamii.

Marehemu Reeva alikuwa na shahada ya sheria na mwanamitindo maarufu nchini Afrika Kusini. Alipigwa risasi na Pistorius ambaye amesema alimdhania kuwa mwizi aliyekuwa akijificha katika choo chake.

Na Dw Swahili