JAMII IMETAKIWA KUHAKIKISHA INAWAJIBIKA KULINDA RASIMALI ZA UMMA.

JAMII  imetakiwa kuhakikisha ina wajibu wa kulinda  rasimali za umma na kupambana na kila aina ya uovu ukiwemo ubadhirifu wa wizi rushwa na mengineyo  ili kuweza kunufaika nazo na kuwaletea maenendeleo yao.

Ushauri huo umetolewa na msimazi wa miradi  Chama cha waalimu wa masomo ya Uraia Tanzania, (CETA) Goodluck Justine baada ya kupokea taarifa ya utekelezaji wa kamati za ufuatiliaji wa rasimali za umma  (PETS) ngazi za kijiji  kurejeshwa fedha  kiasi cha zaidi ya milioni 1.2 zilizokuwa zimechangwa na wananchi kujereshwa kwa ajili shughuli za kimaendeleo.

Justine alisema   endapo jamii inajengewa mfumo  mzuri wa kufuatlia miradi na  kujua fedha zilizotolewa  na Halmashauri zao  katika utekelezaji  miradi husika itasaidia  kuwaezesha kutambua  na kuelewa  namna ya kukabiliana na viongozi ambao wameshindwa kusimamia utekeleza na kusababisha kutekelezwa kwa miradi chini ya kiwango. 

Akizungumza na wajumbe wa kamati za PETS  wakati wakipokea mrejesho wa  kazi zilizofanywa na wajumbe hao wa ngazi za vijiji  vilivyopatiwa mafunzo kwa wawezeshaji wa CETA Taifa yaliyofanyaika katika ukumbi wa halmshauri ya Wilaya ya Hai.

Wamesema mafanikio yaliyopatika mara baada ya kupatiwa mafunzo hayo, mjumbe wa kati ya PETS kutoka kijiji cha Tella, Alloyce Kweka alisema kuwa wameweza kurejesha fedha kiasi cha shilingi  945,000 zilizokuwa zimechangwa kwa ajili mradi wa shule ya sekondari ya Tella pamoja na ujenzi wa choo cha shule iliyopo kijiji hapo.

Kweka alisema hizo zilichangwa na kukaa bila ya kutumia kwa mda mrefu na bila kutolewa maelezo hali ambayo ilisababisha kuleta maswali mengi kwa wananchi lakini PETS  ilifuatilia na hatimaye kurejeshwa na kutumia kwa malengo yaliyokusudiwa.

Nae Mjumbe wa PETS kutoka kijiji cha Ussari alisema kamati hiyo ilifuatilia na kubaini kuwa jumla ya vocha za pembejeo  zaidi 9 zenye thamani ya shilingi 352,000 zilizokuwa zimetolewa kinyume na taratibu zimeweza kujeshwa kwa kaya husika baada ya wajumbe wa kamati kuzitoa kaya ambayo si husika.

Nae Mratibu wa CETA, Safari Minja alisema wameamua kutoa mafunzo hayo ili wananchi wajitambue na kufahamu wajibu wao kufuatilia fedha na rasilimali za umma.

Hata hivyo walishauri ni vyema jamii ikapewa mafunzo ya kuwajengea ufahamu wa kuhoji mapato na matumizi, hasa idara zinazogusa moja kwa moja jamii; Elimu, maji, miundo mbinu  na afya.

NA 

Omary Mlekwa