SERIKALI YAOMBWA KUZIONDOLEA KODI SHULE ZA SEKONDARI.

Moshi.

SERIKALI imeombwa kuziondolea kodi shule za sekondari zinazomilikiwa na Jumiya ya wazazi (CCM), mkoani Kilimanjaro kutokana na shule hizo kutokujiendesha kibiashara.

Hayo yamesemwa na katibu wa Jumuiya ya wazazi mkoani hapa, Selemani Pinde wakati akizungumza na waandishi wa habari jana ofini kwake, na kuiomba serikali kuzipatia ruzuku kwa kuwa shule hizo hazijiendeshi  kibiashara.

Alisema Jumuiya hiyo  imekuwa ikitoa huduma ya kielimu kwa watoto ambao wazazi wao ni wakulima na wafugaji ambao hali zao ni duni,  kwa hali hiyo wengi wao hawawezi kumudu kulipa ada kubwa kama vile shule zingine ambazo zimekuwa zikijiendesha kibiashara.

Katibu huyo alitolea mfano wa Jumuiya hiyo ilitozwa kodi na TRA, baada ya wafadhili kutoka nchi ujerumani walitoa ufadhili wa kompyuta kwa ajili ya kuisaidi shule ya sekondari ya Mwanga, na kwamba Mamlaka hiyo, waliwatoza kiasi cha shilingi milioni 10.

Aidha Pinde alifafanua kuwa Jumuiya hiyo hadi sasa inasomesha wanafunzi 48 ambao wanaishi katika mazingira magumu.

Jumuiya hiyo ambayo inamiliki shule tisa katika mkoa wa Kilimanjaro, pia inamkakati wa kuanzisha chuo cha ualimu katika majengo yaliyokuwa ya shule ya sekondari ya Namfua.

NA          Omary Mlekwa          0757- 357952