ZAIDI YA WATOTO MIL.5WANATARAJIA KUPATA CHANJO MKOA WA KILIMANJARO

                                           

    

Zaidi ya watoto mil.5wanatarajia kupata chanjo ya surua na rubell katika Halimashauri saba za mkoa wa Kilimanjaro kwa lengo la kutokomeza magonjwa ya ulemavu na vifo vinavyosababishwa na magonjwa hayo.

Hayo yamesemwa na Bw. Peter Kihamia mratibu wa chanjo katika Mkoa wa Kilimanjaro wakatia akizungumza na waandishi wa habari katika kampeni shirikishi ya chanjo ya surua na rubella ambayo inaendelea kitaifa .

Kihamia amesema kuwa Chanjo hiyo itakuwa inawalenga watoto wenye umri wa miezi tisa hadi miaka kumi na nne na miezi kumi na moja na itapunguza kwa kiasi kikubwa magonjwa yanayo sababisha ulemavu kwa watoto  pamoja na vifo vitokanavyo na magonjwa hayo.

Aidha ameongeza kuwa kampeni hii ya kitaifa ya chanjo ya surua- rubella itawafikia watoto wote ambao hawakupata chanjo kabla na wale ambao hawakupata kinga kikamilifu ili kuzuia milipuko ya magonjwa hayo.

Naye  Meneja mpango wa chanjo Taifa Bi. Dafrosa Lyimo ameeleza kuwa mlundikano wa watoto wasio na kinga kila baada ya miaka mitatu hadi minne huweza kusababisha mlipuko wa magonjwa.

Lyimo amewashauri wazazi na walezi nchini kuondokana na imani potofu kuhusana swala la chanjo kwani ni jambo la kitaifa na wazazi wahakikishe watoto wanapata fursa iliyo jitokeza kwani kinga ni bora kuliko tiba.

   

NA  LUCY ULOMI